ကြည်လဲ့မျက်လုံး ဦးချို(ဂျို)ထုံးနှင့်
လည်တိုင်ကျော့ရှင်း နူးညံ့သင်းသည့်
အလှပိုင်ရှင် တောကိုခင်သော
သမင်မပင် ဖြစ်ဘိမူ.......
သူ၏အလှ ရှုမ၀ပဲ
လှဂုဏ်မာန်ဝင့် မြတ်မျိုးမြင့်ဟု
စောင့်ရှောက်ချင့်တွေး အလှသွေးကို
ထိန်းသိမ်းကာကွယ်နေသော်လည်း.......
သားအတွက်မူ ၀မ်းမပူဖို့
ဖြူစင်သန့်အေး နို့ချိုကျွေးသည်
အလှအတွက် မငဲ့ကွက်ပါတည်း။ ။
အကြည့်စူးကာ လည်ဆံဖွာနှင့်
စိတ်ဝယ်ကြမ်းတမ်း တောမှာရမ်းပြီး
အုပ်စိုးနိုင်ပေ့ ထင်တိုင်းမွေ့သည့်
ခြင်္သေ့မပင် ဖြစ်ဘိမူ…….
လာဟဲ့သားကောင် အရဆောင်ခဲ
ကိုက်ကာဆွဲငင် သွေးစိမ်းပြင်နှင့်
နေ့စဉ်မပြတ် အရှင်လတ်ကို
သတ်ဖြတ်စားသောက်နေသော်လည်း…….
သားအတွက်မူ ၀မ်းမပူဖို့
ဖြူစင်သန့်အေး နို့ချိုကျွေးသည်
သွေးတစ်စက်မျှ မပါတည်း။ ။
သိဥာဏ်နည်းပါး တောမှာဖွားသည့်
ခြင်္သေ့သမင် ဖြစ်နေပင်လည်း
ရင်မှဖြစ်ပွား သူတို့သားအား
ယုယပိုက်ထွေး နို့ချိုကျွေးသော်
သိဥာဏ်ကြီးမား တို့လူသားများ
မွေးသမိခင် ကျေးဇူးရှင်၏
ကြီးမားမေတ္တာ ကရုဏာအား
ဘယ်မှာစာဖွဲ့ ကုန်မည်နည်း။ ။
ဘယ်သူစာဖွဲ့ နိုင်မည်နည်း။ ။
ဘယ်သူပြိုင်၍ နိုင်မည်နည်း။ ။
3 comments:
wonderful! wonderful! wonderful! i love it!
အရမ်းကောင်းတယ် သယ်ရင်းရာ။ ကြိုက်တယ်။
အမေ့မေတ္တာကို တိုင်းတာလို့ရတဲ့အရာ ခုထိ မရှိသေးပါဘူးဗျာ။ အမေအားလုံး ကျန်းမာ၊ ချမ်းသာ ကြပါစေဗျာ။
Post a Comment