ကျောင်းအပ်ချိန်

ရင်ဝယ်ချမ်းမြ သမီးလှနှင့်
သားလှရတနာ မေ့သည်းချာကို
ပညာအမွေ ပေးနိုင်စေဖို့
လာလေသွားစို့ ကျောင်းအပ်ဖို့လျှင်
ကြိုလို့ပြင်ဆင် ပျော်ပျော်ရွှင်ပေါ့
ရင်ကော့ခေါင်းမော့ ခပ်ကြော့ကြော့နှင့်
သော့သော့လျင်လျင် ကျောင်းသို့ဝင်ပြီ
မိခင်ပြုံးနိုင်လွန်းတကား။ ။

ပန်းတောင်းသန်းကြွယ်

နှစ်ဦးဆုတောင်း

နှစ်ဟောင်းကုန်ပြန် နှစ်သစ်ဖန်သား
ထက်ဝေယံအုံ့ လေပြန်လှုံ့ကာ
ဟေမန်ချိန်နှောင်း နွေလှန်ပြောင်းသည့်
သင်္ကြန်ခါကျူး လတန်ခူးလည်းရောက်ခဲ့ပြီ……..။


သေမင်းနှင့်ပြိုင် ငါအနိုင်ဟု
အသက်ပေးကာ မွေးဖွားလာသည့်
အနန္တဂိုဏ်းဝင် မွေးမိခင်အား
နှစ်ဟောင်းညစ်ကြေး တာရေအေးဖြင့်
သွန်းကာဆေးကြော နွေအစောမှာ
ကဗျာမပီ စာမမှီဖြင့်
မိုင်ချီဝေးကွာ တိုင်းနေရာမှ
ကျန်းမာစေကြောင်း ဆုမွန်တောင်းကာ
အပြစ်ကြီးငယ် ကြေစေရွယ်သား
ဆယ်ဖြာလက်မိုး ဦးတင်(ရှိ)ခိုး၍
ကြည်နူးရည်မှတ် ကန်တော့အပ်သည်
အိုဘယ့် မိခင် စိတ်အစဉ်တွင်
ကြည်နူးရွှင်မြနိုင်စေသော်……..။


စားဝတ်နေမှု ဤစုစုကြောင့်
နှဖူးခြေမ ချွေးကျသည့်ပြင်
သွန်သင်ဆုံးမ နည်းလမ်းပြသည့်
အနန္တဂိုဏ်းဝင် ကျွေးဖခင်အား
ရော်ဝါရွက်ဝေ ညှာလိမ်ကြွေသည့်
တာရေပက်ဖြန်း မေတ္တာလွှမ်းသော
ပျော်ရွှင်မြူးတူး သင်္ကြန်ဦးမှာ
ကဗျာအညံ့ စာမခန့်ဖြင့်
မနီးဝေးကွာ တစ်ပြည်ရွာမှ
ကျန်းမာစေကြောင်း ဆုမွန်တောင်းကာ
ကံသုံးပါးအား လွတ်စေသားဟု
ဆယ်ဖြာလက်အင် ကြာဖူးသွင်ဖြင့်
ကြည်ညိုလေးမြတ် ကန်တော့အပ်သည်
အိုဘယ့် ဖခင် စိတ်အစဉ်မှ
နားဆင်ကြည်နူးနိုင်စေသော်……..။

အမေ့လက်

မောင့်ချစ်သက်၏၊ လက်ဖ၀ါးနု
သွေးဥရောင်လွှမ်း၊ ၀ါဂွမ်းနှယ်အိ
ကိုင်မထိရက်၊ ချွန်ထက်လက်သဲ
ဆေးရောင်မြဲခြယ်၊ ပျက်ပြယ်မရှိ
နုနယ်ဘိတောင်း၊ ဖေါ့ဖယောင်းနှယ်
ပျော့ပျောင်းသွယ်လွ
အလှပြည့်နှက်၊ ချစ်သူ့လက်။

မောင့်မိခင်၏၊ ညိုလွင်ပြာနှမ်း
မာကြမ်းကွဲအက်၊ လက်ဖ၀ါးပြင်
ရင့်ရော်သွင်မှာ၊ ဆယ်ဖြာလက်ချောင်း
ပြည့်ဖေါင်းမညက်၊ ညံ့သက်မှုကင်း
ရောင်ဆင်းညှိုးမဲ၊ လက်သဲငုံးတိ
ချေးညှော်ပြည့်မွ
အလှပျက်ပြယ်၊ အမေ့လက်။

ဖေါင်းအိနုညက်၊ ချစ်သူ့လက်နှင့်
ရော်ရင့်ကြမ်းခက်၊ အမေ့လက်တွင်
သိမြင်လာရ၊ "အလှ" "အလုပ်"
ခွဲထုတ်ချေမိ၊ အမေ၏လက်
အလုပ်လက်သည်
အသက်တမျှ၊ မနားရချေ
ဘ၀ခရီး
သားသမီးတွက်၊ ထိုလက်အစွမ်း
ဘ၀လမ်းတွင်၊ လှပန်းဆင်ခဲ့
အားမာန်ဖွဲ့ရစ်၊ သည်အဖြစ်ကြောင့်
အချစ်၏လက်၊ ပြောင်းသွယ်ညက်စေ
အမေ၏လက်၊ အလုပ်လက်သာ
နှစ်သက် ဂုဏ်ယူ ဘွယ်တကား။

ခင်သူသူဝင်း (ငွေတာရီ၊ ၁၉၇၈ခုနှစ် ဧပြီလ)
သူငယ်ချင်းတစ်ယောက် ပို့ပေးတဲ့ မေးလ်ထဲမှ ကဗျာလေးတစ်ပုဒ်ဖြစ်ပါတယ်။

အမယ့်ပါးက သနပ်ခါး။

ဤကျောက်ပြင် ပေါ်အထက်မှာဖြင့်

ကျော်ကရက်မက် အနှစ်တုံးကိုလ

နံ့သာဖြူ အသာရောတဲ့ပြင်

မပြစ်ကျဲ အရည်ဖျော်ကာပ

ဘယ်ဝိုင်းညာ အသာသွေးပါလို့

လိမ်းခြယ်သ နံ့သာကြိုင်ဆင်း

ရနံ့တွင်း ပြိုင်ဘက်ကင်းတာကြောင့်

ပြင်းပြင်းဖွေး လိမ်းကာခြယ်ကာပ

သင်းသင်းမွှေး တကယ်လှလို့

တအားကုန် မွှေးကာရှိုက်လိုက်မယ်

အမယ့်ပါးက သနပ်ခါး။

အရိပ်မဲ့ပန်း မနွမ်းစေချင်

ကျွန်တော်တို့တွေသည် ဒုက္ခရောက်နေသောသူများ၊ ဆင်းရဲနွမ်းပါးနေသော ကလေးသူငယ် များနှင့် သက်ကြီးရွယ်အို ဘိုးဘွားမိဘများကို မြင်သိ၊ ကြားသိရသောအခါ..“သြော်..သနားစ ရာကောင်းလိုက်တာ၊ စိတ်မကောင်းလိုက်တာ..” စသဖြင့် ၀ဇီကံမှု၊ မနောကံမှုတို့ဖြင့် ကရုဏာဖြစ်နေရုံနှင့် ရပ်နေလို့မသင့်တော်ပါဘူး။ သူတို့အတွက် မိမိတို့တွေ တက်နိုင်သ လောက် ထောက်ပံ့ပေးနိုင်မှု ကာယကံ ကရုဏာမြောက်အောင် လုပ်မှသာလျှင် သူတို့အတွက်လည်း အကျိုးရှိပါလိမ့်မယ်။ လှူဒါန်းမှုနည်းသည်၊ များသည်ကတော့ မိမိတို့ ၀င်ငွေနှင့်မိမိအတိုင်းအတာကြောင့် ကွဲခြားမှုတော့ရှိပါလိမ့်မယ်။ သို့သော် မိမိတို့စိတ်မှာ မေတ္တာ၊ ကရုဏာ သက်ဝင်လှူဒါန်းမှု၊ စေတနာထက်သန်မှုကသာ ပဓာန ဖြစ်ပါတယ်။ ထို့ကြောင့် ကျွန်တော်တို့သည်လည်း တက်နိုင်တဲ့ဘက်မှ၊ တက်စွမ်းသလောက် ပါဝင်လှူဒါန်း နေခြင်းဖြစ်ပါတယ်။ မိုးစက်ပေါင်းများစွာ စုပေါင်းရာမှ မြစ်၊ ချောင်းတွေဖြစ်လာရသလို ကျွန်တော်တို့တွေအားလုံး အနည်းငယ်မျှပင် ဖြစ်ပါစေ တထောင့်တနေရာမှ လှူဒါန်းမှု၊ စောင့်ရှောက်မှုတွေလုပ်သွားကြမည်ဆိုလျှင် ကျွန်တော်တို့တွေရဲ့ ညီ၊ အကို၊ မောင်နှမ၊ ဘိုးဘွား၊ မိဘတွေမှာ အနှိုင်းမရတဲ့ ပီတိအပြုံးနဲ့ စားသုံး နိုင်ကြမှာပါ။ ဒါကြောင့် နည်းသည်၊ များသည် ပဓာန မထားဘဲ၊ အသင်းလိုက်ဖြစ်စေ၊ အဖွဲ့လိုက်ဖြစ်စေ၊ လစဉ်စုပေါင်း၍ ဖြစ်စေ အမိမြေမှ သားချင်းများကို တက်စွမ်းသမျှ ဖေးကူရအောင်လို့ တိုက်တွန်းပါရစေ။

အရိပ်မဲ့ပန်း ၊မနွမ်းစေချင်၊
ကရုဏာဝင်၍၊

တတ်စွမ်းသမျှ၊ လှူဒါနဖြင့်၊

ကူညီဖေးမ၊ ပရဟိတ…….။

ကျွန်တော်တို့လူမျိုးတွေဟာ အလှူအတန်းမှာတော့ အင်မတန် ရက်ရောကြတယ်ဆိုတာ အားလုံးသိနေပြီးဖြစ်ပါတယ်။ သို့သော် ဆွမ်းတစ်နပ်မရသေးတဲ့ ဆရာတော်ကို လှူလိုက်ရမှာ၊ ဒုက္ခအတိရောက်နေတဲ့ ကလေးသူငယ်တို့ကို ကျွေးမွေးစောင့်ရှောက်ရမှာ ၀န်လေးတတ်ကြ တယ်။ ပါးစပ်ကပဲ သနားလွယ်ကြပါတယ်။ ကာယကံမြောက်ကရုဏာ မဖြစ်ကြပါဘူး။ မလိုအပ်တဲ့ နေရာတွေမှာ ဘုရားတည်၊ ကျောင်းဆောက်ပြီး ဘုရားဒကာဖြစ်ချင်ကြပါတယ်။ လိုအပ်တဲ့ နေရာမှာ အိမ်သာတောင် မဆောက်ပေးချင်ကြပါဘူး။ ယခုပစ္စုပ္ပန်အချိန်မှာ လိုအပ်နေတာတွေ အများကြီး ရှိနေတယ်။ ဒါလေးတွေကို သိစေချင်ပါတယ်။ ဘုရားရှင်ဟောတော်မူခဲ့တာလေး ရှိပါတယ်။ “ဒါနအကြောင်းကို ငါဘုရားလောက်သာ သိမယ်ဆိုရင် ကိုယ်စားမယ့် ထမင်း လုပ်ကိုတောင် မစားဘဲ လှူဒါန်းကြလိမ့်မယ်လို့” မိန့်ဆိုခဲ့ပါတယ်။ တစ်ကယ်သာသနာပြု တယ်ဆိုတာကလည်း ဘုရားတည် ကျောင်းဆောက်တာမှ သာသနာပြုတယ်မခေါ်ဆိုပါဘူး။ သာသနာသည်လည်းဘဲ အဆောက်အဦး မဟုတ်ပါဘူး။ သာသနာပြုတယ်ဆိုတာ ဗုဒ္ဓအဆုံး အမတွေကို ကိုယ့်နှလုံးသားနဲ့ အခြားသူတွေရဲ့နှလုံးသားမှာ တည်အောင်ကြိုးစားတာကမှ တကယ့်သာ သနာပြုတာပါ။ ဗုဒ္ဓအဆုံးအမတွေက ဘာလဲဆိုတာ ပြန်လည်သုံးသပ်ကြည့် စေချင်ပါတယ်။ အတိုဆုံးခြုံပြောရရင်.. ကောင်းမှုမှန်တာမျှအကုန်လုပ်၊ မကောင်းတာမှန်သမျှ ဘာမှ မလုပ်နဲ့၊ စိတ်ကိုဖြူအောင်ထားဖို့ပါ။ ဒါ့ကြောင့် ကောင်းမှုဒါနလုပ်ရာမှာလည်း “မရွေးချယ်ဘဲ ရမ်းလှူသောဒါနသည် ဖြစ်ရာဘ၀တွင် ပစ္စည်းဥစ္စာပေါများကြွယ်ဝသော်လည်း ဉာဏ်ထိုင်းသူ မဂ်ဖိုလ်မရနိုင်သူဖြစ်ရသည်။ လောကအတွက်၊ သာသနာအတွက် ဉာဏ်ယှဉ်ပြီး ရွေးချယ်လှူဒါန်းသူများသည် ဖြစ်ရာဘ၀တွင် ပစ္စည်းဥစ္စာပေါများ ချမ်းသာရသလို ဉာဏ်လည်းကောင်းသည်။ တရားတစ်ကြိမ်နာရုံနှင့် မဂ်ဖိုလ်ရနိုင်သည်။ ပညာမဲ့သူသည် ဘ၀ကို ကာမဂုဏ် ခံစားဖို့အတွက် အသုံးချ၍ အပယ်လေးပါးသို့သွားသည်။ ပညာရှိသည် လူ့ဘ၀ ကုသိုလ်ရဖို့အတွက်အသုံးချ၍ နိဗ္ဗာန်သို့သွားသည်” ဟု ဆရာတော် အရှင်ဇ၀န (မေတ္တာရှင်)က ဆုံမတရားရေးပေးခဲ့ပါတယ်။

ယခုလက်ရှိအချိန်မှာ အမှန်တကယ်လိုအပ်နေသော နေရာလေးတစ်ခုကို ညွှန်ပြလိုပါတယ်။ လူမျိုးစုံ၊ ဘာသာစုံ မိဘမဲ့ကလေးငယ်များနှင့် နာဂစ်မုန်တိုင်းဒဏ်ကြောင့် ခိုလှုံ ရောက်ရှိလာရ သော မိဘမဲ့ကလေးပေါင်း(၆၀၀)ကျော်ကို ဆရာတော်ဘုရား၏ ကြီးမားသော ကရုဏာနှင့် စောင့်ရှောက်ထားလျက်ရှိပါတယ်။ သို့သော် ကလေးငယ်များ၏ နေထိုင်စားသောက်ရေးနှင့် ကျန်းမာရေး၊ ပညာရေးအတွက် ဘက်စုံပြည့်စုံရန်မှာ အင်မတန် ခက်ခဲလျက်ရှိပါတယ်။ လိုအပ်နေရာ၊ လိုအပ်တဲ့အချိန်၊ လိုအပ်တာလေးတွေကို လှူရတာဟာ အင်မတန်မြင့်မြတ်တဲ့ ဉာဏ်နှင့်ယှဉ်သော ဒါနမျိုးဖြစ်ပါတယ်။ ယခုသူတို့လေးတွေဟာ…

  • ဂျင်းတစ်တက်နဲ့ ဟင်းချက်နေကြရရှာတယ်။
    ဗလာတစ်အုပ်နဲ့ ကဗျာတစ်ပုဒ်ရွတ်နေကြတယ်။
    တီရှပ်တစ်ထည်နဲ့ ရယ်တတ်နေကြတယ်။
    ဆားတစ်ဆုပ်နဲ့ တအားတုတ် နေကြတယ်။
    ဂေါ်ရခါးသီးနဲ့ အပျော်တအားကြီးနေကြတယ်။
    အ၀တ်တစ်ထည်နဲ့ ချစ်စဖွယ် ဖြစ်နေကြတယ်။
    အချင်းချင်း ချစ်တတ် နေတတ် စိုးရိမ်တတ်ကြတယ်။

“အပင်ရှင်သန် ပန်းတိုင်းပွင့်ဖို့ မြေဆီ ရေနေ လိုအပ်သလို ထမင်းနှစ်နှပ်နဲ့ ရေရှည် ရပ်တည်ဖို့ သူတို့ ထူးချွန်ပြောင်မြောက် လူလားမြောက်ဖို့ သူတို့ အနာဂါတ်လေးတွေ လှပရှင်သန်စေဖို့
ကျွန်တော်တို့၊ ကျွန်မတို့ မေတ္တာ၊ ဂရုဏာ စေတနာနဲ့ ပြုစုစောင့်ရှောက်ကြပါစို့……………၊”

ဦးပဏ္ဍ၀ (ဦးစီးပဓာန နာယကဆရာတော်)
ဒိုးဝင်အောင်ကံသာ ပရဟိတလူငယ်ဖွံ့ဖြိုးရေးကျောင်း၊
လူမျိုးစုံပြုစုစောင့်ရှောက်ရေးဌာန၊
ပြင်ဦးလွင်မြို့၊
မန္တလေးတိုင်း၊
၃၃မိုင် ၇ဖာလုံ၊ မန္တလေး+ပြင်ဦးလွင် လမ်းဘေးအတက်လမ်း။

ဒိုးပင်သို့ ပါဝင်လှူဒါန်းလိုလျှင်….. မြန်မာနိုင်ငံမှ ပရဟိတ လုပ်ဆောင်နေသူများနှင့် တိုက်ရိုက်ဆက်သွယ်နိုင်ပါသည်။

မောင်သစ်လွင်ထွန်း (starfalls.nazy@gmail.com) ph 02-80211, 02-80322

မသန်းသန်းနု (wgwhitegirl@gmail.com) ph 09-2018506

ကိုဝင်းကျော်သူ (wkthu2006@gmail.com)

Global Net ,Room 1,building 7,Hlaing tsp (01-652232,652324,507054)

ရုံးချိန်(မနက်၉း၀၀ မှညနေ ၅း၃၀ ထိ)(တနင်္လာနေ့မှ စနေနေ့အထိ)

စင်္ကာပူ မှာဆက်သွယ်နိုင်ရန်...
ပိစိ - ၀၆၅-၉၂၃၉၂၄၄၁ (moethu.may@gmail.com)
မငြိမ်း - ၀၆၅-၈၁၅၂၆၈၁၁ (khinchothet@gmail.com)
ကိုသက် - ၀၆၅-၉၃၃၉၂၂၇၀ (kothetsince1986@gmail.com)

ရုရှားရောက်မြန်မာကျောင်းသားများကိုယ်စား ကျွန်တော်တို့၏ ထေရ၀ါဒဗုဒ္ဓဘာသာ လူငယ် များအသင်း(YMBA) မှ ယခုလတွင် ဒိုးပင်အောင်ကံသာ ပရဟိတလူငယ်ဖွံ့ဖြိုးကျောင်းသို့ တတပ်တအား ပါဝင်လှူဒါန်းသွားမည်ဖြစ်ပါသည်။

ရေးသားတင်ပြသူ- အောင်ဦး


ကိုအောင်ဦး ( ဓမ္မရသ )၏ဘလော့မှ ကူးယူဖေါ်ပြပါသည်။

လောင်းရိပ်မိတဲ့အပင်ငယ်

ရွာအ၀င် ကွင်းဟိုစပ်မှာဖြင့်

တစ်ပင်တည်း ထီးထောင်မတ်ပါတဲ့

ဤပညောင် ကိုင်းခက်ပွင့်တွေက

ဝိုင်းယှက်တင့် အားမာန်လှစ်သောကြောင့်

သူငါများ ခိုကာနားစေရာ

အေးချမ်းသာ အရိပ်စစ်

မိတ်ဖြစ်တာ ကြာပေလည်း

နေရောင်ခြည် ကင်းကွာဝေးစေမက

လေမိုးဒဏ် ဘေးကာဆီးသမို့

ပညောင်ခြေ ပင်ကလေးမှာဖြင့်

လေမိုးနေ ကောင်းစွာမရသောကြောင့်

လောင်းရိပ်မိ နွမ်းရိခွေ…..။


သို့ပေမယ့် အပင်ငယ်

အစဉ်ကွယ် မာန်မလျော့ပါဘူး

နွမ်းဖတ်ယိုင် ပင်ငယ်ဖြစ်ပေလည်း

စိတ်ဓါတ်ခိုင် ပင်စည်မတ်သမို့

ထိုးကာထွက် ပညောင်ခက်ကြား

အခေါင်ထက်နားမှာ သီးပွင့်ဝေရှာပေါ့

ကြီးမြင့်ဝေဖြာတဲ့ သူ့ဂုဏ်အင်ကို

ပညောင်အို လောင်းရိပ်မိုးမိသူ

သဏ္ဍာန်တူ မိခင်ဖတို့မှာ

ဖုံးလွှမ်းကာ ပီတိဝေရှာပေါ့

သီရိဂေဟာ အိမ်ဆောင်နန်းမှာ

ပြုံးရွှင်လို့လန်း…..။

Tag

ကိုယ့်ရဲ့နာမည်.................................. ၀ဿန်ဦး။
သူငယ်ချင်းတွေကဒီလိုခေါ်တယ်.....
....... ဖိုးသား။
ဒီမှာနေတယ်....................................
သုံးဆယ့်တစ်ဘုံမှ လူ့ပြည်။
ဖုန်းဆက်ချင်ရင်.................................
ဖုန်းတစ်လုံး လက်ဆောင်ပို့ပေးပါ။


အကြိုက်ဆုံးတွေက


အရောင်ဆိုရင်...................................
အဖြူ။
အဝတ်အစားဆိုရင်..............................
တီရှပ်/ ရှပ်(လက်ရှည်)။
အစားအစာဆိုရင်................................
လက်ဖက်သုပ်၊ရှောက်သီးသုပ်၊ဂျင်းသုပ်။
ပစ္စည်းဆိုရင်......................................
ဖိနပ်။

သီချင်းဆိုရင်...................................... ခံစားမှုပါသော သီချင်းအေးလေးများ။
စာရေးဆရာ.....................................
.... ဦးဇောတိက၊အရှင်ဆန္ဒာဓိက၊အတ္တကျော်။

စာအုပ်............................................... တစ်ယောက်တည်းနေ တစ်စိတ်တည်းထား။

……………………………………………………. အချစ်ကံခေပေမယ့် အနှစ်ကျန်စေရမယ်။

…………………………………………………….. နေပျော်တဲ့ဘ၀ ကြည်မြတဲ့ဘ၀င် ရွှင်လန်းတဲ့စိတ်။
Life Style...........................................
လွတ်လပ်ပျော်ရွှင်သောဘ၀။

ဝါသနာ.............................................. သီချင်းနားထောင်ခြင်း၊စာအုပ်ဖတ်ခြင်း၊ဘောလုံးကန်ခြင်း။
အလိုချင်ဆုံးလက်ဆောင်.............
........... ဟန်ဆောင်မှုကင်းသောအဖြူထည်လက်ဆောင်။
အချစ်ဆုံးသူက.....................................
မိခင်။
အလေးစားဆုံးသူက..............................
ဖခင်။
အခင်ဆုံးသူငယ်ချင်းက..............
............ ခင်သောသူငယ်ချင်းများ အားလုံး။
အများဆုံးနားလည်မှုပေးနိုင်သူက....
.......... မိဘ။
အမုန်းဆုံးသူက.............
........................
ရင်အခုန်ဆုံးအချိန်................................
. စာမေးပွဲမေးခွန်း မဲနှိုက်ရချိန်။
အကြောက်ဆုံးအချိန်..............................
ဆရာမနှင့် နှုတ်ဖြေစာမေးပွဲဖြေချိန်။
အပျော်ဆုံးအချိန်...................................
ကျက်လာသည့်တစ်ပုဒ်တည်းသောမေးခွန်းနှင့်တိုးချိန်။
အမှတ်တရနေ့......................................
၁၀.၀၆.၂၀၀၈ / ၂၆.၀၆.၂၀၀၈။
ဆုတောင်းတိုင်းသာပြည့်မယ်ဆိုရင်

တောင်းမဲ့ဆု…………………………………...... မချစ်တတ်မမုန်းတတ်သူဖြစ်ရပါလို၏
အချစ်ဆိုတာ........................................

အမုန်းဆိုတာ........................................
လွဲမှားသွားတဲ့ နားလည်မှု။
အလွမ်းဆိုတာ......................................
အဝေးရောက်ချစ်ခြင်း၏အပိုင်းအစ။
သံယောဇဉ်ဆိုတာ.................................
အချစ်၏မြစ်ဖျားခံရာ ရေသောက်မြစ်တစ်ခု။
ဘဝဆိုတာ..........................................
နေတတ်ရင် ကျေနပ်စရာ။
သူငယ်ချင်းဆိုတာ..................................
သူအားငယ်ရင် အချင်းချင်း အားပေးဖေါ်။
ချစ်သူဆိုတာ........................................
ပြောပြရဘူးတဲ့ဗျ။
ကိုယ့်ကိုကိုယ်ဒီလိုထင်တယ်.....................
ငါဘာမှ မသိသေးပါလား။
ကိုယ့်ရဲ့လက်ဆွဲဆောင်ပုဒ်က....................
အတ္တာဟိ အတ္တနော နာထော။
အပြောချင်ဆုံးစကားလေးတစ်ခွန်း..............
ပြီးပါပြီ။

မမကြယ်ကြီးရေ…

ကွဲချင်သလို အကွဲမခံနိုင်လို့ ရေးလိုက်ပါပြီဗျာ.. :P

တမ်းတခြင်း

ဥဩ….ဥဩ သံချိုနှောသည့်

လွမ်းမောသံသာ ကြားခဲပါလည်း

ရင်မှာလွမ်းမြဲ တမ်းတဆဲ။


အုံးကွမ်….အုံးကွမ် အော်မြည်သံပင်

ဝေးကွာနေဆဲ ကြားရခဲမို့

လွမ်းဆွတ်တမ်းတ သတိရ။


ဆောင်းတွင်းအေးအေး မီးဖိုဘေးမှာ

ဝိုင်းအုံစုဖွဲ့ မီးလှုံခဲ့တဲ့

နံနက်ခင်းလေး တမ်းတဆွေး။


ရွာတောင်ဘက်စွန်း ခြံကျယ်ဝန်းမှ

မေမေ့ကိုကြီး ဦးတာတီး၏

သစ်သီးချိုမွှေး စားချင်သေး။


ချဉ်ပေါင်တစ်ခွက် ငပိချက်နှင့်

အတို့အမြုပ် ဦးခေါင်းငုံ့ကာ

ပျော်ရွှင်ကြည်မြ စားခဲ့ကြတဲ့

ထမင်းဝိုင်းလေး တမ်းတဆွေး။

ကျေပါစေရွယ် နို့စက်ငယ်

“လာတုန်းကလည်း တစ်ယောက်တည်းနော့

လက်တွဲခေါ်ကာ ဖေါ်မပါဘူး

ဥစ္စာချည်းနှီး ကိုယ်ထီးတည်း

ပြန်သွားတော့လည်း တစ်ယောက်တည်းနော့

လက်တွဲခေါ်ကာ ဖေါ်မပါဘူး

ဥစ္စာချည်းနှီး ကိုယ်ထီးတည်း”


သံစဉ်စာသား ထိုတေးသွားအား

များစွာသတိ ထားကာရှိကာ

ပဋိပက္ခ ပယောဂနှင့်

မလိုတမာ အဘိဇ္ဖာပြင်

လောဘ၊ဒေါသ မောဟများနှင့်

အစွဲအလမ်း အတ္တလွှမ်းသည့်

ဘဒ္ဒကမ္ဘာ ဤလူ့ရွာမှ

လွတ်မြောက်စေရာ အေးငြိမ်းသာမည့်

တရားစဉ်မှတ် အကျင့်မြတ်အား

စိတ်ထားဖြူနု သီလမှုဖြင့်

ပြုပါစေလို မနောချိုဖြင့်

မေမေ့သည်းချာ သားလက်လျာမှ

ကျေးဇူးအကြီး ဓမ္မနည်းဖြင့်

ဆပ်ခြင်းမမြည် ဆပ်ပါသည်။

ဥယျာဉ်မှူး

ပန်းဟူသည်မှာ ဖူးရာမှငုံ

ငုံရာမှပွင့် ကြွားကြွားဝင့်သော်

လောကမြေ၀ယ် အလှကြွယ်၏။


သို့သော်ဆင့်ကမ်း ပွင့်ယူလှမ်းရန်

ပန်းသဘာဝ မပြည့်ဝမီ

ဖူးစဉ်ပျက်သုဉ်း ဘ၀ဆုံးတာ

ရှိဖူးပါ၏။


တမူမှာကား ဖူးသာဖူးငြား

ငုံမသွားမီ လေနီမိုးကြမ်း

တိုက်ခတ်ရမ်း၍ ငုံခွင့်မသာ

သေဆုံးတာလည်း ရှိဖူးပါ၏။


အချို့မှာကား ငုံသာငုံရ

မပွင့်ရပဲ အလှလည်းညှိုး

ပန်းလည်းကျိုးတာ

မြင်ဖူးပါ၏။


ဖူးစဉ်ခါဝယ် သိမကြွယ်၌

လမ်းမှန်ထောက်ပြ မမှားရအောင်

ပန်းအလှစုံ ဆံဝတ်မှုန်သို့

ညှာတံဝတ်ဖတ် လန်းဆမ်းလတ်ရန်

ပြုစုစိုက်ထိုး ယုယပျိုးကာ

ပေါင်းသင်မြေစွ ရေလောင်းကြသည့်

မြင့်မြတ်လူသား ထိုသူများကို

တင်စားခေါ်ဝေါ် ဂုဏ်တင်ဖေါ်သည်

ကြီးစွကျေးဇူး ဥယျာဉ်မှူး။ ။

Blogger Gathering (Moscow)



ဗော်လဂါမြစ် စီးဆင်းမှု့နဲ့ အတူ ဖြတ်သန်းနေကြတဲ့ ကျွန်တော်တို့ သူငယ်ချင်း Blogger တစ်စုဟာ ၂၀၀၈ ခုနှစ် ဇူလိုင်လ၁၆ ရက်နေ့ မော်စကိုမြို့ MSU ( Moscow State University ) ကျောင်း ကျောင်းသားဆောင်မှာ အမှတ်တရ ဆုံတွေ့ဖြစ်ခဲ့ကြပါတယ် အဲဒီ တွေ့ဆုံပွဲမှာ ကျွန်တော်တို့ သူငယ်ချင်းတွေဟာ တစ်ယောက်နဲ့ တစ်ယောက် အပြန်အလှန် အကြံပေး ဆွေးနွေးခဲ့ကြ ပြီး ၂၀၀၈ ဧပြီလ ရက် ( သင်္ကြန်အကျနေ့ ) ကအကြမ်းဖျင်း ရည်ရွယ်ထားခဲ့တဲ့ ကျွန်တော်တို့ ရဲ့ အမှတ်တရ Website တစ်ခုလုပ်မယ့် ကိစ္စကို အတည်ပြုခဲ့ကြပါတယ် Website မှာပါမယ့် ကဏ္ဍတွေမှာ တာဝန်ယူနိုင်ကြမယ့် အပိုင်းတွေကိုလည်း ဆွေးနွေးခဲ့ကြပါတယ်

နောက်တစ်နေ့ ( ၁၇ ၊ ဇူလိုင် ၊ ၂၀၀၈ နေ့ ) ဟာ ၀ါဆိုလပြည့်နေ့ ဖြစ်တဲ့အားလျော်စွာ ကျွန်တော်တို့ သူငယ်ချင်း Blogger တစ်စုဟာ MSU ကျောင်း ဘုရားခန်းမှာ ဓမ္မစင်္ကြာ တရားတော်ကို ရွတ်ဖတ်ပူဇော်ခဲ့ကြပြီး အခုလို နေ့ထူးနေ့မြတ်မှာ ကျွန်တော်တို့ ချစ်တဲ့ မြန်မာပြည်သူ ပြည်သားအပါင်း ကိုယ်၏ချမ်းသာခြင်း (သုခိနောဝ) ၊ စိတ်၏ ချမ်းသာခြင်း (ခေမိနောဝ) အပေါင်း နှင့်ပြည့်စုံပြီး ဘေးရန်အပေါင်း က ကင်းဝေးပါစေ ကြောင်း ဆုမွန်ကောင်း တောင်းခဲ့ကြပါတယ် ။ နေ့လည်ခင်းမှာ တော့ အမှတ်တရ ခရီးအဖြစ် ( Коломенский Парк ) ပန်းခြံနဲ့ ဟိုချီမင်း ရင်ပြင်တို့ကို သွားရောက်လည်ပတ် ခဲ့ကြပါတယ် ။

ကျွန်တော်တို့ သူငယ်ချင်းတစ်စုရဲ့ တွေ့ဆုံပွဲကို နိုင်ငံအသီးသီးမှာ ရှိကြတဲ့ ကျွန်တော်တို့ရဲ့ Blogger ညီ ၊ အစ်ကို ၊ မောင် ၊ နှမ များအားလုံး သိရှိစေဖို့ ၀မ်းသာစရာ သတင်းကောင်း တစ်ခုအနေနဲ့ ဖော်ပြပေးလိုက်ပါ တယ်ခင်ဗျာ ။ ကျွန်တော်တို့ ရဲ့ တွေ့ဆုံပွဲလို နိုင်ငံ အသီးသီးမှာရှိကြတဲ့ Blogger ညီ ၊ အစ်ကို ၊ မောင် ၊ နှမ များလည်း ပျော်ပျော် ရွှင်ရွှင် စည်းစည်းလုံးလုံးနဲ့ ဆုံတွေ့နိုင်ကြပါစေ လို့ ကျွန်တော်တို့ သူငယ်ချင်း Blogger တစ်စု က ဆန္ဒပြုလိုက်ပါတယ်ခင်ဗျာ ။ Blogger များအားလုံးနဲ့ Blog စာဖတ်သူများအားလုံး ကိုယ်စိတ်နှစ်ဖြာ ကျန်းမာ ချမ်းသာကြပါစေ …….

…. ဓမ္မစင်္ကြာတရားတော် ရွတ်ဖတ်ပူဇော်နေစဉ် ….

……. ဆွေးနွေးပွဲနှင့် အမှတ်တရ ခရီး …….

မှတ်ချက် ။ ။ အကြောင်းကြောင်းကြောင့် လူကိုယ်တိုင်မလာနိုင်ပဲ G-talk Phone များနဲ့ ဆွေးနွေးခဲ့ကြတဲ့ Blogger တစ်ချို့ ရှိခဲ့ပေမယ့် ဆွေးနွေးပွဲမှာပါဝင်သူ အားလုံးကို ဖော်ပြပေးလိုက်ပါတယ်ခင်ဗျာ ။ စုစုပေါင်း (၃၄) ယောက်ပါခင်ဗျာ ။

ကိုရင်ညိန်း၊ တင့်ထူးရွှေ၊ နတ်သျှင်နောင်၊ Black Dream၊ မောင်ကောင်းအောင်၊ လွမ်းလုင်၊ မျှားပြာ၊ ရွှေရောင်ကောင်းကင်၊ လင်းထွန်း၊ လွမ်းသုခ၊ ရတ်မွန်၊ နေချိုအေး၊ ၀ဿန်ဦး၊ မောင်နိုင်၊ မီးပြတိုက်၊ ဇွတ်ဆိုးလေး၊ 4Everlove၊ ထိပေ့သျှင်၊ ကိုစွမ်း၊ ကိုအောင်၊ ညိမ်းညို၊ ဖြိုးငယ်၊ အောင်ဦး၊ နန်းထိုက်ဝင်း၊ မင်းဝေ၊ တင်နွယ်မောင်၊ သုခရိပ်၊ မင်းကျန်စစ်၊ အလွမ်းရောင်၊ စောမဏ္ဍိုင်၊ အညာသားလေး၊ မောင်ငယ်၊ မောင်သုည၊ လွမ်းစေ(မြန်မာပြည်)

လွမ်း

လွမ်းမပြေ မှန်းလေတွေးမိတော့

ကမ်းအခြေ ဖျန်းလေသွေးရယ်နှင့်

လှိုင်းလေက တသွင်သွင်။


တောင်စောင်းထိပ် စေတီရိပ်ဆီက

မှုန်ပျရီ နေခြည်နုမှာဖြင့်

ဝေငှကာ မေတ္တာနှောသံက

နားဝသို့ ချိုချိုလွင်။


တမ်းကာရော် မှန်းမပျော်လည်း

ဝေးအနေ ဆွေးလေသမို့

မြို့နဲ့ခြား တောကြားလေးရယ်က

အမိုးချာ ကျိုးကာပျက်ပေမယ့်

မေတ္တာမှန် ရင့်သန်လွန်းလှတဲ့

အတွေးစ ကလေးဘ၀ရွယ်က

အမေ့အိမ် မွေ့ချိန်လေးများကို

တမ်းတတလွမ်း။

သတိရလိုက်တာ အမေရယ်

(က)

၁၉၈၅

“အမေ သားကို ကျောင်းလိုက်မပို့တော့နဲ့ဗျာ၊ ကျွန်တော်ရှက်တယ်၊ သူငယ်ချင်းတွေက မုန့်သည်မသားလို့ ၀ိုင်းဝိုင်းစကြတယ်”

“သား လမ်းမှာ စက်ဘီးတွေတိုက်မှာ စိုးလို့ပါကွယ်၊ အဓိက က သားပညာတတ်ဖို့ပါ၊ သားလေးပညာတတ်မှ အမေတို့လို မဆင်းရဲမှာလေ၊ သားရှက်တယ်ဆိုရင်လည်း အမေ လိုက်မပို့တော့ပါဘူး၊ သားစာကြိုးစားနော်”

(ခ)

၂၀၀၈

“အဖေ သားကိုကျောင်းလိုက်မပို့တော့နဲ့ဗျာ၊ ကျွန်တော်ရှက်တယ်၊ သူငယ်ချင်းတွေက ဆိုက်ကားသမားသားလို့ ၀ိုင်းဝိုင်းစကြတယ်”

(ဂ)

သားမျက်နှာကို ငေးမောရင်း…….. သတိရလိုက်တာ အမေရယ်…..။


ဇော်မျိုးအောင်(အောင်လံ)

အမေ့မျက်နှာ

ဝေးတစ်မြေမှ ဆွေးသမျှကို

ကဗျာအတု စာအစုဖြင့်

ဇာတိရပ်နေ မွေးအမေသို့

ပို့သပေးစပ် ကန်တော့အပ်သည်

လူလေးအမေ ပီတိဝေလို့

ကြည်ရွှင်ဝမ်းမြောက်နိုင်ပါစေ။


သားမောင်ပေးလာ စာမျက်နှာမှ

ကဗျာတစ်ပုဒ် စာတစ်အုပ်ကို

အမေကြည့်ကာ ပီတိဖြာပြီး

ရွှင်ရာမှလွမ်း မျက်ရည်စမ်းနှင့်

ငါ့သားလူလေး ပုလုကွေးဟု

တမ်းတဆူးနစ် လှစ်ကျူးရင့်ကာ

နှစ်လိုဖွယ်ရာ သား၏စာကို

ရှုမ၀နိုင် လက်ကကိုင်ရင်း

အပြုံးဝေလှိုင် ပီတိမြိုင်သည့်

အမေ့မျက်နှာ မြင်ယောင်လာ

စမ်းနှယ်အေးမည့် သွင်ပြင်ပါ။

ပန်းနှယ်မွှေးမည့် သဏ္ဌာန်ပါ။

လမင်းတစ်ရာ သာနေမှာ။

ဖန်ဆင်းရှင်သို့

ကုန်လွန်ပြီးဆုံး နှစ်ဆယ့်သုံးရှိ

တစ်သုံးလေးခွန် ခုနှစ်မွန်၌

ဝါဆိုဝါခေါင် ရေဖေါင်ဖေါင်ဝယ်

သည်းထန်ရွာကျ ၀ဿန်စကြား

သေမင်းနှင့်ပြိုင် ငါအနိုင်ဟု

ရင်မှပေါက်ဖွား ငါ၏သားကို

မွေးဖွားသန့်စင် မျက်နှာမြင်ရန်

အားယူမာန်ခဲ စိတ်ဝယ်စွဲ၍

ကြီးစွာသတ္တိ များစွာရှိသည့်

အနန္တဂိုဏ်းဝင် မွေးမိခင်အား

ကဗျာမပီ စာမမှီဖြင့်

မိုင်ချီဝေးကွာ တိုင်းနေရာမှ

ကျန်းမာစေကြောင်း ဆုမွန်တောင်းကာ

ဆယ်ဖြာလက်မိုး ဦးတင်(ရှိ)ခိုး၍

ကြည်နူးရည်မှတ် ကန်တော့အပ်သည်

အိုဘယ့် မိခင် စိတ်အစဉ်တွင်

ကြည်နူးရွှင်မြနိုင်စေသော်……….။


တစ်ကိုးရှစ်ငါး ဇွန်လကြား၌

မွေးဖွားသန့်စင် မျက်နှာမြင်ရ

ဖွံထွားချစ်ဖွယ် သားမင်းငယ်ကြောင့်

နှဖူးခြေမ ချွေးစကျလည်း

မပန်းမမော သားငယ်ဇောဖြင့်

ကြိုးစားရှာဖွေ စားဝတ်နေပြင်

အမှားပယ်ဖျောက် လမ်းမှန်ရောက်ရန်

သွန်သင်ဆုံးမ နည်းလမ်းပြသည့်

တောင်မြင့်မိုရ်လား ထင်ယောင်မှားအံ့

အနန္တဂိုဏ်းဝင် ကျွေးဖခင်အား

ကဗျာအညံ့ စာမခန့်ဖြင့်

မနီးဝေးကွာ တစ်ပြည်ရွာမှ

ကျန်းမာစေကြောင်း ဆုမွန်တောင်းကာ

ဆယ်ဖြာလက်အင် ကြာဖူးသွင်ဖြင့်

ကြည်ညိုလေးမြတ် ကန်တော့အပ်သည်

အိုဘယ့် ဖခင် စိတ်အစဉ်မှ

နားဆင်ကြည်နူးနိုင်စေသော်……….။


/*၂၃နှစ်ပြည့်အမှတ်တရ ဤကဗျာဖြင့် မိဘနှစ်ပါးအား ရှိခိုးကန်တော့ပါ၏*/


ဘ၀အိမ်

အိမ်ကလေး

ငြိမ်းအေးခြင်းတွေ ဖူးပွင့်နေတဲ့

မြက်ခင်းစိမ်းစိမ်းလေးထဲက

စုလစ်မွန်းချွန်တွေနဲ့ တခမ်းတနားလှပတဲ့

အိပ်မက်ထဲက ဘ၀အိမ်ကလေး။


ဒီအိမ်ကလေးကို တည်ဆောက်ရင်း

သက္ကရာဇ်ပွင့်ကြွေတွေကို ကောက်ခဲ့တာ

နှစ်ဆယ့်သုံးပွင့် တောင်ရခဲ့ပြီ

အိမ်ကလေးတော့ အပြီးမဆောက်နိုင်သေးဘူး

အိမ်ကလေးပြီးဖို့

သက္ကရာဇ်တွေ ဘယ်လောက်ကောက်ရအုံးမှာလဲ

အိမ် မယိုင်စေဖို့

တိုင်တွေ ထောက်ခဲ့ပေါင်းလဲ များခဲ့ပြီ

တိုင်တွေ ခိုင်စေဖို့

ရိုက်ခဲ့တဲ့သံတွေ ကောက်ခဲ့ပေါင်းလဲ များခဲ့ပြီ

သူရူးတွေထဲ အရူး မဖြစ်စေဖို့

မိုးခါးရေတွေ သောက်ခဲ့ရပေါင်းလဲ များခဲ့ပြီ။


ကြီးမားမေတ္တာ ကရုဏာများနဲ့

အမှားပယ်ဖျောက်လမ်းမှန်ရောက်ဖို့

သင်ကြားပေးသူ လက်ဦးဆရာနှစ်ဆူရဲ့ကျေးဇူးတွေ

ဆပ်မကုန်ပေမယ့် ကျေအောင်တော့ဆပ်ရအုံးမယ်။


ကျနော့်ကိုဝိုင်းကြည့်နေကြတဲ့

ဒေါသထွက်နေတဲ့မျက်နှာ လောဘတက်နေတဲ့မျက်နှာ

မနာလိုတဲ့မျက်နှာ အထာဆိုဖွဲ့မျက်နှာ

ဟန်ဆောင်ထားတဲ့မျက်နှာ မာန်ထောင်လွှားတဲ့မျက်နှာ

ရက်စက်ချင်တဲ့မျက်နှာ အတ္တဆင်တဲ့မျက်နှာတွေကြားမှာ

နေ့ရက်တွေ တစ်ရက်စီချွေခဲ့တယ်။


ဘ၀ရဲ့ လေဟာပြင်မှာ

အကြင်နာကင်းမဲ့ ဝေဒနာသင်းဖွဲ့

ရင်မှာတင်းခံရသူအတွက်

ဆုလာဘ်တစ်ပွင့်ကတော့

အပြုံးတံတားလေးထက် အမုန်းများဝေးလျက်

ဖြေရှင်းကူညီရိုင်းပင်တည်သည့်

အားပေးဖေါ် သူငယ်ချင်းများ။


ဆောက်လုပ်ဆဲအိမ်ကလေးထဲ

ကြည်နူးဖွယ်နေ့ရက်တွေကို ဆွဲဆန့်ပေးသူ

‘ဖန်ပြာခွက်နဲ့ကျောက်စက်ရေ’ အမောပြေအောင်တိုက်သူ

ကူညီပေးသူ လက်တွဲဖေါ်တစ်ယောက်

ခိုဝင်နားကာမှေးစက်

အချစ်ဆိုတဲ့အရာလည်း နိုးထရှင်သန်လို့ပေါ့။


……ဒီလိုနဲ့…..

အတ္တတွေထုံမွှန်းနေတဲ့ ဟန်ဆောင်ခြင်းဝန်းကျင်မှာ

ပျော်ရွှင်စွာကျင်လည်ရင်း

…..ခုတော့…..

တလက်လက်လင်းနေတဲ့ အနာဂတ်ဟင်းလင်းပြင်ထဲက

တစ်ဘ၀မှာ တစ်ခါသာဆောက်ခွင့်ရမယ့်

မပြီးသေးတဲ့ ဆောက်လက်စ အိမ်ကလေးအတွက်

မနက်ဖြန်တိုင်းမှာ
သံတစ်ချက်စီတော့ ရိုက်နေရအုံးမယ်။



/*၂၃နှစ်မြောက်အမှတ်တရ ရေးစပ်ပါသည်*/