မွှေးရနံ့ကသင်းလို့ကြိုင်
နို့၊ ထောပတ်စုံလင်စွာနဲ့
နိုင်ငံခြားဖြစ်ထုတ်လုပ်ရောင်းတာမို့
ကိတ်မုန့်လေးကောင်းလိုက်ပုံက
ချိုအီလို့မြိုင်။
ဘယ်ရာတွေ ဘယ်လိုကောင်းလဲ
အုန်းသီးဖြူး ဆားပွင့်လူးကာ
ဟိုရင်ခါ အမေလုပ်ကျွေးတဲ့
မုန့်စိမ်းပေါင်း အငွေ့တထောင်းထောင်းကို
ဘယ်မှီပါ့မလဲ။
ရောက်တဲ့အရပ်မှာ ပျော်အောင်နေ
တွေ့တဲ့သူနဲ့ တည့်အောင်ပေါင်း
ပြိုင်လာသူကို အရှုံးပေး
နှလုံးအေးသည့် ဆေး တဲ့။
မှာလေသည့်မေမေ့စကား
မှတ်သားကာသားနာယူလို့
ရောက်ရာမှာပျော်အောင်နေလည်း
ဒီနေရာအမေနဲ့ဝေးတာမို့
ဆွေး ဘယ်ခါပျော်ပါ့မလဲ။
တွေ့သူကိုတည့်အောင်ပေါင်းလည်း
လူဆိုတာအတ္တလွှမ်းတာမို့
မေမေ့လိုမေတ္တာဓါတ်မျိုးကို
ငတ်မွတ်နေဆဲ။
ပြိုင်သူကိုအရှုံးပေးလည်း
နိုင်သူကိုဖိနှိပ်တတ်တဲ့
လူ့အတ္တမာနတောမှာ
စိတ်ဝမ်းဘယ်ခါအေးပါ့မလဲ။
ကြည်လဲ့မျက်လုံး ဦးချို(ဂျို)ထုံးနှင့်
လည်တိုင်ကျော့ရှင်း နူးညံ့သင်းသည့်
အလှပိုင်ရှင် တောကိုခင်သော
သမင်မပင် ဖြစ်ဘိမူ.......
သူ၏အလှ ရှုမ၀ပဲ
လှဂုဏ်မာန်ဝင့် မြတ်မျိုးမြင့်ဟု
စောင့်ရှောက်ချင့်တွေး အလှသွေးကို
ထိန်းသိမ်းကာကွယ်နေသော်လည်း.......
သားအတွက်မူ ၀မ်းမပူဖို့
ဖြူစင်သန့်အေး နို့ချိုကျွေးသည်
အလှအတွက် မငဲ့ကွက်ပါတည်း။ ။
အကြည့်စူးကာ လည်ဆံဖွာနှင့်
စိတ်ဝယ်ကြမ်းတမ်း တောမှာရမ်းပြီး
အုပ်စိုးနိုင်ပေ့ ထင်တိုင်းမွေ့သည့်
ခြင်္သေ့မပင် ဖြစ်ဘိမူ…….
လာဟဲ့သားကောင် အရဆောင်ခဲ
ကိုက်ကာဆွဲငင် သွေးစိမ်းပြင်နှင့်
နေ့စဉ်မပြတ် အရှင်လတ်ကို
သတ်ဖြတ်စားသောက်နေသော်လည်း…….
သားအတွက်မူ ၀မ်းမပူဖို့
ဖြူစင်သန့်အေး နို့ချိုကျွေးသည်
သွေးတစ်စက်မျှ မပါတည်း။ ။
သိဥာဏ်နည်းပါး တောမှာဖွားသည့်
ခြင်္သေ့သမင် ဖြစ်နေပင်လည်း
ရင်မှဖြစ်ပွား သူတို့သားအား
ယုယပိုက်ထွေး နို့ချိုကျွေးသော်
သိဥာဏ်ကြီးမား တို့လူသားများ
မွေးသမိခင် ကျေးဇူးရှင်၏
ကြီးမားမေတ္တာ ကရုဏာအား
ဘယ်မှာစာဖွဲ့ ကုန်မည်နည်း။ ။
ဘယ်သူစာဖွဲ့ နိုင်မည်နည်း။ ။
ဘယ်သူပြိုင်၍ နိုင်မည်နည်း။ ။
ဟိုးဝေးနေရာ ပင်လယ်ပြာမှ
အခြေစကာ တိုက်ခတ်လာသော
သူငါအများ ခေါ်ဆိုထားသည့်
နာဂစ် ဆိုသည့် ဆိုင်ကလုန်း။
မိုးနှင့်မုန်တိုင်း ပိတ်ဆို့ရိုင်းပင်း
တိုက်ခိုက်ခြင်းသည် ရိုးဖြောင့်မာန်ကင်း
ဟန်ဆောင်ရှင်းသည့် အမေ့နေရာ
အိမ်ဂေဟာသို့ ဦးတည်ဝင်ရောက်ခဲ့လေပြီ။
အမေ့နေရာ အိမ်ဂေဟာမှာ
နာဂစ်မုန်တိုင်း ဤလေရိုင်းကြောင့်
ညွှန့်ဖူးလဲကြွေ သက်လဲသေသော
အမိစိုက်ထိုး ယုယပျိုးသည့်
ပန်ဆင်စဖွယ် သဇင်ငယ်။
စိတ်တင်းမနိုင် သဇင်ခိုင်ပင်
မဆိုထားဘိ
ခက်ကိုင်းဖြန့်ဖြန့် ရှင်သန်ကြံ့သည့်
မိခင်လမ်းထိပ် ပညောင်ရိပ်ပင်
မာန်ကြီးအံကြိတ် တလိပ်လိပ်နှင့်
စိတ်ဓါတ်မာန်ဝင် ခံစစ်ဆင်လည်း
တိုက်ခိုက်ကြမ်းတမ်း နာဂစ်ရမ်းက
ရိုက်ခတ်ဝှေ့ရမ်း စုတ်ပြတ်လွှမ်းအောင်
ချိုးဖဲ့ဖျက်ဆီးခဲ့လေပြီ။
ထိုသို့အခြေ ဤအနေအား
စိတ်ဝယ်မရွှင် မကြည်လင်ပဲ
ရင်၌လောင်ကျွမ်း သားမောင်မှန်း၍
မိဘနှစ်ဖြာ ဖေမေပါဝင်
များထွေသတ္တ၀ါ လူများစွာတွက်
ကိုးဝဂုဏ်အင် ဘုရားရှင်သည်
သနားမေတ္တာ ကရုဏာဖြင့်
စောင့်ရှောက်ကယ်ကာ ပေးတော့ပါဟု
ဆယ်ဖြာလက်မိုး ဦးတင်(ရှိ)ခိုးကာ
ဆုတောင်းပါသည် အရှင်ဘုရား။ ။